PNB भरती 2026: पंजाब नॅशनल बँकेत मोठी भरती; ५ हजारांहून अधिक पदांसाठी अर्ज प्रक्रिया सुरू

बँकिंग क्षेत्रात करिअर करू इच्छिणाऱ्या तरुणांसाठी पंजाब नॅशनल बँकने सुवर्णसंधी उपलब्ध करून दिली आहे. पीएनबीने २०२६ वर्षासाठी ५१३८ रिक्त पदांसाठी अधिकृत भरती जाहीर केली आहे. या पदांसाठी अर्ज प्रक्रिया सुरू झाली असून पात्र उमेदवारांना २४ फेब्रुवारी २०२६ पर्यंत अर्ज सादर करता येणार आहे.

उमेदवारांनी कोणत्याही मान्यताप्राप्त विद्यापीठ किंवा संस्थेतून संबंधित विषयातील पदवी पूर्ण केलेली असावी. पदवीचा निकाल ३१ डिसेंबर २०२५ पूर्वी लागलेला असणे आवश्यक आहे. तसेच १ जानेवारी २०२६ रोजी उमेदवारांचे वय २० ते २८ वर्षांच्या दरम्यान असावे. अधिक माहितीसाठी उमेदवारांनी पीएनबीच्या अधिकृत संकेतस्थळाला भेट द्यावी.