Nana Patekar: ज्येष्ठ अभिनेते नाना पाटेकर यांचे हृदयविकाराच्या झटक्याने निधन

Nana Patekar: ज्येष्ठ अभिनेते नाना पाटेकर यांचे निधन; वयाच्या 75व्या वर्षी घेतला अखेरचा श्वास

मराठी आणि हिंदी चित्रपटसृष्टीतील ज्येष्ठ अभिनेते नाना पाटेकर यांच्या निधनाची बातमी समोर आली आहे. वयाच्या 75व्या वर्षी त्यांनी अखेरचा श्वास घेतल्याचे सांगण्यात येत आहे. प्राथमिक माहितीनुसार, हृदयविकाराच्या झटक्यामुळे त्यांचे निधन झाल्याचे समोर आले आहे. त्यांच्या निधनाच्या वृत्ताने मनोरंजन विश्वात शोककळा पसरली आहे.

मिळालेल्या माहितीनुसार, गोव्यातील डोना पौला येथील त्यांच्या निवासस्थानी नाना पाटेकर बेशुद्ध अवस्थेत आढळले. त्यानंतर त्यांना तातडीने रुग्णालयात दाखल करण्यात आले. डॉक्टरांनी त्यांच्यावर उपचार करण्यासाठी सुमारे 45 मिनिटे प्रयत्न केले. मात्र, उपचारांना प्रतिसाद न मिळाल्याने पहाटे 5:20 वाजता त्यांना मृत घोषित करण्यात आल्याचे सांगितले जात आहे. प्राथमिक तपासणीत हृदयविकाराचा झटका आल्याचे समोर आल्याची माहिती आहे.

रंगभूमीवरून अभिनय कारकिर्दीला सुरुवात

नाना पाटेकर यांनी आपल्या अभिनय कारकिर्दीची सुरुवात रंगभूमीपासून केली. सुरुवातीच्या काळात त्यांनी अनेक मराठी नाटकांमध्ये काम केले. त्यानंतर 1978 मध्ये प्रदर्शित झालेल्या ‘गमन’ या चित्रपटातून त्यांनी हिंदी चित्रपटसृष्टीत पदार्पण केले. पुढे त्यांनी मराठी तसेच हिंदी चित्रपटांमध्ये विविध भूमिका साकारत आपल्या अभिनयाची वेगळी छाप निर्माण केली.

1988 मध्ये प्रदर्शित झालेल्या ‘सलाम बॉम्बे!’ या चित्रपटामुळे नाना पाटेकर यांना मोठी ओळख मिळाली. या चित्रपटातील त्यांच्या प्रभावी अभिनयाने प्रेक्षक आणि समीक्षकांचे लक्ष वेधून घेतले.

‘परिंदा’ ठरला कारकिर्दीतील महत्त्वाचा टर्निंग पॉइंट

1989 मध्ये प्रदर्शित झालेला ‘परिंदा’ हा चित्रपट नाना पाटेकर यांच्या अभिनय कारकिर्दीतील महत्त्वाचा टर्निंग पॉइंट ठरला. या चित्रपटात त्यांनी साकारलेली ‘अण्णा’ ही व्यक्तिरेखा प्रचंड गाजली. त्यांच्या दमदार संवादफेकीसह व्यक्तिरेखेत पूर्णपणे शिरून अभिनय करण्याच्या शैलीचे या भूमिकेतून विशेष कौतुक झाले.

‘परिंदा’मधील अभिनयासाठी नाना पाटेकर यांना राष्ट्रीय चित्रपट पुरस्कार तसेच फिल्मफेअर पुरस्काराने गौरवण्यात आले. या भूमिकेनंतर ते हिंदी चित्रपटसृष्टीतील एक प्रभावी आणि अष्टपैलू अभिनेते म्हणून अधिक ठळकपणे समोर आले.