सूर्याची जागा धोक्यात? 😱 हे दोन प्लेयर घेणार स्थान!

                                      एकेकाळी भारतीय टी20 संघाचा सर्वात विश्वासू फलंदाज मानला जाणारा सूर्यकुमार यादव सध्या खराब फॉर्ममुळे चर्चेत आला आहे. मैदानात उतरला की चौकार-षटकारांचा वर्षाव करणारा सूर्या आता पूर्वीसारखा प्रभावी दिसत नाही. त्याच्या कामगिरीत सातत्याने घसरण होत असल्याने टीम इंडियासाठी हा चिंतेचा विषय ठरत आहे.

                                      टी20 क्रिकेटमध्ये दीर्घकाळ आयसीसी क्रमवारीत अव्वल स्थानावर राहिलेल्या सूर्यकुमारकडून मोठ्या धावांची अपेक्षा असायची. मात्र गेल्या काही महिन्यांपासून त्याचा धावांसाठी संघर्ष सुरू आहे. नुकत्याच पंजाब किंग्सविरुद्धच्या सामन्यात तो पहिल्याच चेंडूवर शून्यावर बाद झाला.

                                       2024 च्या टी20 वर्ल्ड कपमध्ये सूर्यकुमार यादवने केवळ एक अर्धशतक झळकावले. अमेरिकेविरुद्धच्या सामन्यात त्याने महत्त्वाची खेळी करत संघाला सावरले होते, पण इतर सामन्यांत त्याची कामगिरी अपेक्षेप्रमाणे ठरली नाही.

                                       वर्ल्ड कप विजयानंतर त्याच्याकडे टीम इंडियाच्या टी20 संघाचे नेतृत्व सोपवण्यात आले. मात्र कर्णधार झाल्यानंतरही त्याचा धावांसाठी संघर्ष कायम राहिला. न्यूझीलंडविरुद्धच्या मालिकेत त्याने तीन अर्धशतके झळकावली होती, पण त्यानंतर त्याच्या बॅटमधून मोठी खेळी फारशी दिसलेली नाही.

                                       सध्या सुरू असलेल्या आयपीएलमध्येही सूर्यकुमारची कामगिरी निराशाजनक ठरली आहे. त्याने पाच सामन्यांत 16, 51, 6, 33 आणि 0 अशा धावा केल्या आहेत. दिल्ली कॅपिटल्सविरुद्धचे 51 धावांचे अर्धशतक हीच त्याची तुलनेने चांगली खेळी मानली जात आहे.

                                       दरम्यान, सूर्यकुमारच्या जागेसाठी दोन दमदार पर्याय समोर येत आहेत. श्रेयस अय्यर आणि रजत पाटीदार यांनी आयपीएलमध्ये सातत्यपूर्ण आणि प्रभावी कामगिरी करत आपली दावेदारी मजबूत केली आहे. दोघांनी फलंदाजीसोबतच नेतृत्वगुणही दाखवून दिले आहेत.

                                       वयाच्या 35 व्या वर्षी असलेल्या सूर्यकुमार यादवच्या जागी भविष्यात टीम इंडिया या दोन खेळाडूंपैकी एखाद्यावर विश्वास दाखवू शकते, अशी चर्चा आता क्रिकेट वर्तुळात रंगू लागली आहे.